ზარაფხანას ახალი კოლექციის შთაგონება მე-19 საუკუნის გამორჩეული ფიგურა ეკატერინე ჭავჭავაძეა. სწორედ ეკატერინე ჭავჭავაძის ცხოვრების ისტორიამ და მისმა პროგრესულობამ მოგვცა შესაძლებლობა მისი პიროვნება გაიგივებულიყო თანამედროვე ქალთან და შეგვექმნა კიდევ ერთი კოლექცია - საიუველირო ხელოვნებაში ახალი სიტყვის სახით. კოლექცია გადმოსცემს არა მხოლოდ სამკაულის სრულყოფილებას, არამედ იდეას სადაც მთავარი მოქმედი ფიგურა ქალია - თანამედროვე სამყაროში გამორჩეული სიძლიერით, მომხიბვლელობით, დამოუკიდებლობით, აქტიური საზოგადოებრივი როლით. ქალი, რომელიც ნერგავს სიახლეებს, აფასებს სილამაზეს, ტრადიციას და ორიენტირებულია მომავალზე.